სოფელ შრომაში საბავშვო ბაღი აშენდება

ოზურგეთის მუნიციპალიტეტის სოფელ შრომაში უახლოეს მომავალში საბავშვო ბაღის მშენებლობა დაიწყება. ამის შესახებ განცხადება ოზურგეთის მერმა, ავთანდილ თალაკვაძემ 3 თებერვლის მერიის სხდომაზე გააკეთა.

„სოფელ შრომაში ვიწყებთ საბავშვო ბაღის მშენებლობას, შედეგად ბავშვები უსაფრთხო და კეთილმოწყობილ შენობაში მიიღებენ შესაბამის მომსახურებას“ – აღნიშნა ავთანდილ თალაკვაძემ.

საუბარია შრომის ტერიტორიულ ერთეულში შემავალ ერთ-ერთ ბაღზე, რომელიც ვაკეში მდებარეობს.

საბავშვო ბაღის შენობა ძველია, რის გამოც იგი წლებია სასწავლო გარემოსთვის შესაფერის შენობას საჭიროებს.

მეტი ინფორმაციის მისაღებად, შრომის ნომერ მეორე საბავშვო ბაღის მენეჯერს, ია ბაბილოძეს დავუკავშირდით.

მისი თქმით, ბაღს შენობასთან დაკავშირებული პრობლემა აწუხებს.

„ბაღში სწავლობს 30 ბავშვი, 1 ჯგუფია და 9 თანამშრომელი. ჩვენი ძირითადი პრობლემა შენობაა. იმედი გვაქვს, რომ ბაღი ვაკეში აშენდება“ – განაცხადა ია ბაბილოძემ.

როდის და სად დაიწყება ბაღის მშენებლობა ჯერ-ჯერობით ცნობილი არ არის.

მასალა პროექტის “ჩვენ ვირჩევთ, ჩვენ ვაკონტროლებთ” ფარგლებში, ახალგაზრდა რეპორტიორმა ავთო ხომერიკმა მოამზადა.

Funded through the Alumni Grants Program, U.S. Embassy in Georgia/დაფინანსებულია საქართველოში აშშ–ის საელჩოს ალუმნი საგრანტო პროგრამის ფარგლებში.