ოზურგეთის მუნიციპალიტეტის სოფელ ლიხაურში კომპანია ”ენერგოპრო ჯორჯია” ხეების მოჭრას აგრძელებს. აღნიშნულ ფაქტთან დაკავშირებით გარემოსდაცვითი ორგანიზაცია ”ეკოს” დამფუძნებელი ირმა გორდელაძე სოციალურ ქსელში წერს:
”დღეს ლიხაურში “ენერგოპრომ” ლიხაურის ღვთისმშობლის შობის სახელობის ეკლესიის ასასვლელ “სოხახის” ფერდობზე ხეები მოჭრა, დააწყო სატვირთოზე და წაიღო. ამ ფერდობზე სასაფლაოებია და მერე ეკლესია. ეს ხეები ამაგრებს ფერდობს.
ვანდალურად ხეების მოჭრა კვლავ გრძელდება და მათი გატანა სოფლიდან.
კომპანიას მოუწევს შეხვდეს სოფელს: გააცნოს მას პროექტი, მოსაჭრელი ხეების სია, ექსპერტთა დასკვნები, ნებართვები, ასევე რეგისტრირებული ძაბვის ხაზების დოკუმენტაციები.
თუ მაინც გააგრძელებს ხეების მოჭრას, სოფელი გამოვა. უმჯობესია ნათელი მოეფინოს ყველა სადავო საკითხს.” – წერს ირმა გორდელაძე.
შეგახსენებთ, რომ მსგავსი შემთხვევა სოფელ ლიხაურში რამდენიმე კვირის წინაც მოხდა.
კომენტარები
Loading ...