სომხეთის ჯანდაცვის მინისტრმა, არსენ ტოროსიანმა მანქანით გაიტანა 10 წლის ბავშვი. სომხური წყაროების ცნობით, ამის შესახებ ტოროსიანმა თავადვე გაავრცელა ინფორმაცია ფეისბუკის საშუალებით.
„მინდა გაცნობოთ, რომ საათნახევრის წინ მოხდა ავარია, ჩემი ავტომობილის საჭესთან მე ვიმყოფებოდი. მივდიოდი სამსახურში და ვარდანიანცის ქუჩაზე გავიტანე 10 წლის ბიჭი. ბავშვი პირადად მივიყვანე საავადმყოფოში, სადაც იგი გამოიკვლიეს. მას აღმოაჩნდა ნაკაწრები მარჯვენა ხელზე“, – წერს ტოროსიანი და დასძენს, რომ ბავშვი მცირე ხანს დაჰყოფს ექიმების მეთვალყურეობის ქვეშ და შემდეგ გადაიყვანენ სახლში.
სომხეთის ჯანდაცვის მინისტრი წერს იმასაც, რომ ავარიის შესახებ პოლიციას მაშინვე აცნობა.
კომენტარები
Loading ...