ზესტაფონში სოკოთი ინტოქსიკაციის შედეგად, ოჯახის ოთხი წევრი და მათი მეზობელი საავადმყოფოში გადაიყვანეს.
ინფორმაციას მომხდარის შესახებ “ინფო იმერეთი” ავრცელებს.
გამოცემა დაზარებულზე დაყრდნობით წერს, რომ დაზარებულმა სოკოს მიღებიდან ნახევარ საათში ჯანმრთელობის მდგომარეობა მკვეთრად გაუარესდა, 112-ში დარეკვა მოასწრო, შემდეგ კი გონება დაკარგა.
“ჭამიდან ნახევარ საათში თავი ძალიან ცუდად ვიგრძენი, კედლებს ვენარცხებოდი. მოვასწარი სასწრაფოში დარეკვა, თუმცა კლინიკაში უკვე უგონო მდგომარეობაში შევედი. ჩემი მდგომარეობა განსაკუთრებით მძიმე იყო, ხოლო ბავშვების – საშუალო სიმძიმის. მადლობას ვუხდი კლინიკა “ფერო მედს”, ფაქტობრივად, სასიკვდილოდ მოწამლულები გადაგვარჩინეს“, – განაცხადა დაზარალებულმა.
ამ დროისთვის სამი ზრდასრული პაციენტის მდგომარეობა სტაბილურია, თუმცა ისინი კვლავ ექიმების დაკვირვების ქვეშ რჩებიან, მცირეწლოვნები კი კლინიკიდან უკვე გაწერეს.
ექიმების თქმით, ინტოქსიკაცია სავარაუდოდ, სოკოს არასწორი ამოცნობისა და მოხმარების შედეგად მოხდა.
Loading ...