რუსეთში, სმოლენსკის რეგიონში 20 აგვისტოს, სამძებრო ჯგუფებმა ცოცხალი იპოვეს წლინახევრის ლუდმილა კუზინა, რომელიც ოთხი დღის უკან გაუჩინარდა.
მშობლების განცხადებით დაკარგული გოგონა უფროს დასთან ერთად კერძო სახლის ეზოში თამაშობდა. დედა მეზობელთან წავიდა, მას ჯერ უფროსი ქალიშვილი მიჰყვა, შემდეგ კი ლუდა. გზად პატარა გოგონა დაიკარგა.
გოგონას ძებნაში ჩართული იყვნენ საგამოძიებო კომიტეტისა და საგანგებო სიტუაციების სამინისტროს თანამშრომლები, პოლიცია, სამხედროები, სამაშველო ჯგუფების მოხალისეები და ადგილობრივი მოსახლეობა.
ძებნა თითქმის ოთხი დღე გაგრძელდა. მაშველებმა ბავშვი სახლიდან ოთხი კილომეტრის დაშორებით ტყეში იპოვეს. გოგონა მწერებისგან დაკბენილი და დასუსტებული იყო.
იგი საავადმყოფოში მოათავსეს. გოგონას მდგომარეობა საშუალო სიმძიმისაა, თუმცა მის სიცოცხლეს საფრთხე არ ემუქრება.
Loading ...
