12 – წინააღმდეგი, 1 – მომხრე, ასე დასრულდა ცოტა ხნის წინ ოზურგეთის მეოთხე საჯარო სკოლაში დირექტორის არჩევნები. განათლების სამინისტროს მიერ შემოთავაზებულმა კანდიდატმა ხათუნა ლომთაძემ არჩევნები წააგო. საბჭოს 13 წევრიდან მას მხარი მხოლოდ ერთმა წევრმა დაუჭირა.
ხათუნა ლომთაძე მედიასთან საუბრისას ამბობს, რომ წაგების მოლოდინი ჰქონდა, რადგან მიიჩნევს, რომ სკოლაში ავტოკრატიული მმართველობაა.
– რა თქმა უნდა ვიცოდი, რომ ასეც იქნებოდა. იმიტომ, რომ ტარიელ კალანდაძის საბჭო მე ხმას არ მომცემდა. ეს არის ავტოკრატიული მმართველობის მოდელი სკოლაში. ეს როგორია, ქვეყანამ უნდა დაინახოს.
– როგორია თქვენი გეგმები, აპირებთ ბრძოლის გაგრძელებას?
– მე მივიყვანე ეს საქმე აქამდე, ფაქტობრივად დღეს იურიდიული უფლებამოსილება მაგ არჩევნების ჩატარების დირექტორს და მოადგილეებს შეუწყდათ. ვნახოთ, რა გადაწყვეტილებას მიიღებს ხელისუფლება. რა თქმა უნდა, დირექტორი უნდა დაინიშნოს, ხელმძღვანელი პირის გარეშე სკოლა ვერ იქნება. მაგრამ ამ პროცესებთან მე პირადად არ მაქვს საერთო. მოლოდინის რეჟიმში ვარ. ვნახოთ. რა იქნება, მაგრამ არ გამკვირვებია, 40წლიანი მმართველობის შემდეგ, რა თქმა უნდა, საბჭო არ გაუქანდებოდა დირექტორს. ეს ჩემთვის ნათელი იყო. მაგრამ მე ჩემი მოვალეობა პირნათლად შევასრულე. გული არ მწყდება, ნამდვილად ვიცოდი, რომ ასე მოხდებოდა, სადაც შენგან დავალებულია ადამიანი იქ ასე ხდება ხოლმე. – განაცხადა ხათუნა ლომთაძემ.
Loading ...