სიტყვიერი და ფიზიკური დაპირისპირება ოზურგეთის საკრებულოს სხდომაზე

ხმაური და დაპირისპირება იყო ოზურგეთის საკრებულოს სხდომაზე, რომელიც ჯერ სიტყვიერ, შემდეგ ფიზიკურ დაპირისპირებაში გადაიზარდა. ხმაური მას შემდეგ დაიწყო, რაც ნაციონალური მოძრაობის დეპუტატი, თათია ნიკოლაიშვილი ტრიბუნასთან მივიდა და მერიიდან საჯარო მოხელეების დათხოვნა გააპროტესტა. მერიაში მიმდინარე რეორგანიზაციას კი ადამიანების პოლიტიკური ნიშნით დევნა უწოდა. ნიკოლაიშვილის გამოსვლის დროს ტრიბუნასთან ქართული ოცნების დეპუტატი, ქეთევან ხომერიკი მივიდა და მას გირგვლიანის, რუსეთ – საქართველის ომის ფოტოები უჩვენა და თქვა, რომ ომის პარტიას საუბრის და მით უფრო პრეტენზიების დაყენების უფლება არ აქვს. მოგვიანებით მდგომარეობა სხდომაზე უკიდურესად გამწვავდა. ნაციონალური მოძრაობის ტეპუტატს, თათია ნიკოლაიშვილს სიტყვიერი შეურაცხყოფა მიაყენა ქართული ოცნების დეპუტატმა გოჩა კილაძემ. ამის შემდეგ სხდომაზე შესვენება გამოცხადდა.