სინოდალურმა კომისიამ პატრიარქს მცხეთა-თბილისის ეპარქიის მღვდელმსახურის, დეკანოზ პეტრე კვარაცხელიასთვის მღვდელმოქმედების შეჩერების შესახებ შუამდგომლობით მიმართა. ამის შესახებ საქართველოს საპატრიარქოს მიერ გავრცელებულ ინფორმაციაშია ნათქვამი.
კერძოდ, საპატრიარქო განმარტავს, რომ კვარაცხელია მღვდლისთვის შეუფერებელი ქმედებებისა და გამონათქვამების გამო რამდენჯერმე იყო დაბარებული კომისიაზე, მაგრამ დეკანოზი არ გამოცხადდა, მისი არგუმენტები კი კომისიამ არასაპატიოდ მიიჩნია.
მოგვიანებით, სასულიერო პირმა სოციალურ ქსელში მიმართვა გაავრცელა, მხარდამჭერებს და მრევლს მადლობა გადაუხადა იმ თბილი წერილებისთვის, რომელიც ინფორმაციის გავრცელების შემდეგ მიიღო.
პოსტს უცვლელად გთავაზობთ
„მადლობა უამრავი წერილისთვის, სიყვარულისთვის, სითბოსთვის….ასეც ვიცოდი და არც არაფერია გასაკვირი…არც არაფერი მომხდარა განსაკუთრებული, მაგრამ მხოლოდ ერთს გეტყვით, ზურგიდან საუბრების საპასუხოდ-არ ვაპირებ ქვეყნიდან წასვლას, არა და ქვის წერტილი…ზოგიერთ ,,გონიერ” ადამიანს ვეტყვი, რომ დღეს ინგლისში ვარ, ქვეყნის დატოვება ჩემი მიზანი რომ იყოს, მარტო ეს დღე მეყოფოდა ინგლისმა დაჩქარენული წესით აქ ცხოვრების უფლება მომცეს…პირიქით, ახლა უფრო გადაწყვეტილად ვბრუნდები და გადავდგამ უფრო დამაჯერებელ ნაბიჯებს!..“,-წერს პეტრე კოლხი.
Loading ...
