ოზურგეთის მუნიციპალიტეტის სოფელ სილაურში საპროტესტო აქცია გაიმართა. მოსახლეობა კვლავ მდინარე სუფსაზე კარიერულ წარმოებას აპროტესტებს. ამ მიზეზით მცირე ხნით გადაკეტილი იყო ცენტრალური გზაც, რომელზეც მოძრაობა სამართალდამცველების ჩარევის შემდეგ აღდგა. ამჯერად მოსახლეობის პროტესტის ადრესატი უკვე მეორე კომპანია ”სამი ძმაა”, რომელსაც მდინარიდან ინერტული მასალა ამოაქვს. მოსახლეობა თვლის, რომ ორი კომპნიის ”QMC” და ”სამი ძმის” მუშაობა მდინარეს ძალიან დააზარალებს და სუფსას ამდენი ნატანი, რომ ორ კომპანიას ეყოს, არც აქვს. შედეგად ზიანდება მდინარის კალაპოტი, ფუჭდება გზები, ჭებში წყალი შრება, მდინარეს კი მოსახლეობის საყანე ფართობები მიაქვს. ამიტომ ადგილობრივები მდინარიდან რომელიმე ერთი კომპანიის წასვლას ითხოვენ. ადგილზე დღეს არ გამოჩენილან თავად კომპანიის წარმომადგენლები.