სია- ოზურგეთის რომელ სოფლებში შეიცვალა გამგებელი – 13 სოფლიდან 9 -ში ავთანდილ თალაკვაძემ ახალი კადრი დანიშნა

ოზურგეთის მუნიციპალიტეტის წინა მერის კონსტანტინე შარაშენიძის უფლებამოსილების შეწყვეტასთან ერთად, უფლებამოსილება შეუწყდათ მერის წარმომადგენლებსაც.

ახალი არავისთვის არის, რომ სოფლის რწმუნებულები საკმაოდ აქტიურად იყვნენ ჩართულები წინასაარჩევნო კამპანიაში და ნაწილი ”ქართული ოცნების” კანდიდატის ავთანდილ თალაკვაძის, ნაწილი კი დამოუკიდებელი კანდიდატის კონსტანტინე შარაშენიძის მიმართ მხარდაჭერას გამოხატავდა. იყვნენ ისეთებიც, ვინც ბოლო მომენტამდე ცდილობდა საკუთარი პოზიცია ღიად არ დაეფიქსირებინა, იქამდე ვიდრე გამარჯვების სასწორი რომელიმე მათგანის მხარეს არ გადაიხრებოდა.

30-ივე ადმინისტრაციულ ერთეულში რწმუნებულები ძველი მერის კონსტანტინე შარაშენიძის დანიშნულები იყვნენ, შესაბამისად, საკმაოდ დიდი ინტერესის საგანი გახდა ახალი მერის მომავალი გადაწყვეტილებები, თუ რომელ სოფლებში დატოვებდა ავთანდილ თალაკვაძე ძველ რწმუნებულებს და რომელ სოფლებში ჩაანაცვლებდა ძველს – ახალი კადრებით.

ამ დროისთვის ცნობილი გახდა, რომ მერმა გადაწყვეტილება  13  სოფელთან დაკავშირებით მიიღო და მათ უკვე ხელშეკრულებებიც გაუფორმა.

მათგან 9 სოფელში ავთანდილ თალაკვაძემ ძველი რწმუნებულების დატოვება აღარ მოისურვა და ისინი ახალი კადრებით ჩაანაცვლა.

კონჭკათის ადმინისტრაციული ერთეული – დავით თოიძე

მაკვანეთის ადმინისტრაციული ერთეული – გიორგი ბაბილოძე

მერიის ადმინისტრაციული ერთეული – გრიგოლ კოსტავა

მთისპირის ადმინისტრაციული ერთეული – ვლადიმერ ჩავლეშვილი

ნატანების ადმინისტრაციული ერთეული – ვალერიან ვაჩეიშვილი

შემოქმედის ადმინისტრაციული ერთეული – თამაზ ბურჭულაძე

ცხემლისხიდის ადმინისტრაციული ერთეული – გრიგოლ ძიძიშვილი

ჭანიეთის ადმინისტრაციული ერთეული – ზაზა სალუქვაძე

ჯუმათის ადმინისტრაციული ერთეული – მიხეილ ებრალიძე

რაც შეეხება ურეკს, გურიანთას, სოფელ ოზურგეთსა და ვაკიჯვარს, ჩამოთვლილ სოფლებში თალაკვაძემ ძველი კადრები დატოვა და შესაბამისად, ადგილებზე მუშაობას კოტე შარაშენიძის მიერ დანიშნული გამგებლები გააგრძელებენ. ესენია:

1. დაბა ურეკის ადმინისტრაციული ერთეული – დავით რობაქიძე
2. გურიანთის ადმინისტრაციული ერთეული – გია ფასიეშვილი
3. სოფელ ოზურგეთის ადმინისტრაციული ერთეული – ბადრი თავდუმაძე
4. ვაკიჯვარის ადმინისტრაციული ერთეული – გიორგი მდინარაძე

ჯერჯერობით ცნობილი არ არის, ვინ იქნებიან რწმუნებულები დანარჩენ 17 ადმინისტრაციულ ერთეულში. ოზურგეთის მუნიციპალიტეტის მერიის ცნობით, კონსულტაციები და განხილვები აღნიშნულ საკითხზე კვლავაც მიმდინარეობს და ახალი სახელები და გვარები ცნობილი ახლო მომავალში გახდება.