სექსუალური სახის დანაშაული ჩოხატაურში. აბიტურიენტი პედაგოგს სექსუალური სახის ქმედებაში ადანაშაულებს. გავრცელებული ინფორმაციით, ჩოხატაურის ერთ-ერთი სკოლის ისტორიის მასწავლებელი ამავე სკოლის კურსდამთავრებულს, 18 წლის გოგონას გამოცდისთვის ამზადებდა. შემთხვევაც სავარაუდოდ ამ დროს, სკოლის ერთ-ერთ კაბინეტში მოხდა. სკოლის დირექტორის განცხადებით, მან აღნიშნულის შესახებ თავად ყოფილი მოსწავლის დედისგან გაიგო. სკოლაში საგამოძიებო მოქმედებები უკვე ჩატარდა. სკოლის დირექტორი და მეზობლები 64 წლის მამაკაცს დადებითად ახასიათებენ და აღნიშნული შემთხვევით გაოგნებულები არიან. შინაგან საქმეთა სამინისტროს ინფორმაციით, მამაკაცი დაკავებული არ არის და გამოძიება სისხლის სამართლის კოდექსის 138- ე მუხლით მიმდინარეობს.
კომენტარები
Loading ...