სექსუალური ძალადობის შვიდი ახალი საქმე – კევინ სპეისის ისევ ბრალი წარუდგინეს

დიდი ბრიტანეთის პროკურატურამ კევინ სპეისის სექსუალური ძალადობის 7 ახალ საქმეზე ბრალი წარუდგინა. ამის შესახებ უცხოური მედია წერს.

გამოცემის ცნობით, სექსუალური ძალადობის სხვადასხვა შემთხვევები 2001-2004 წლებში მოხდა. სპეისი ლონდონის ვესტმინსტერის მაგისტრატურ სასამართლოში 16 დეკემბერს უნდა გამოცხადდეს.

კევინ სპეისი სექსუალურ ძალადობასა და შევიწროებაში რამდენიმე ადამიანმა 2017 წელს დაადანაშაულა. ერთ-ერთი ბრალმდებელი მსახიობი ენტონი რეპი იყო. 2022 წლის ოქტომბერში რეპის საჩივარი სასამართლომ არ დააკმაყოფილა.

დიდი ბრიტანეთის პროკურატურა ოსკაროსანი მსახიობის წინააღმდეგ სასამართლო სარჩელს მეორედ ადგენს.  კევინ სპეისი ყველა ბრალდებას უარყოფს.