შინაგამ საქმეთა სამინისტროს ოზურგეთის პილიციის სამმართველომ, ოზურგეთში, სოფელ დვაბზუში სეს_ის მიერ აღმოჩენილ ვადაგასულ ხორცზე გამოძიება დაიწყო.
სისხლის სამართლის საქმე სსკ 198_ე მუხლითაა აღძრული, რაც ადამიანის სიცოცხლისთვის ან ჯანმრთელობისთვის საშიში პროდუქციის დამზადება, შემოტანას ან რეალიზაციას გულისხმობს.
ამ წუთებში პოლიცია სურსათის უვნებლობის სამსახურთან ერთად, ლუქავს ტონამდე საქონლის ხორცს, რომელიც, ხვალ, აჭარის ბაღებში უნდა შესულიყო.
სურსათის ეროვნული სააგენტოს გურიის რეგიონულმა სამმართველომ, ოზურგეთის სოფელ დვაბზუში ვადაგასული ხორცი აღმოაჩინა.
სააგენტოს სამმართველოს უფროსის მანან ერქომაიშვილის თქმით, ხორცი აჭარის ბაღებისთვის იყო განკუთვნილი.
_ ეს არის შპს “სოფოს” მიერ ნაქირავები ფართი, სადაც ხდება დაფილვა. ეს შპს ამარაგებს აჭარისა და ოზურგეთის საბავშვო ბაღებს. ამ შემთხვევაში ხორცი, რომელიც არის ვადაგასული, ეტიკეტის და საბუთების გარეშე ხვალ დილით უნდა შესულიყო აჭარის საბავშვო ბაღებში, _ გვითხრა ერქომაიშვილმა.
Loading ...
