სურსათის ეროვნული სააგენტომ იმპორტირებული საზამთროს და ნესვი ნიტრატების შემცველობაზე შეამოწმა. ნიტრატები დადგენილ ნორმას მხოლოდ ორ შემთხვევაში აღემატებოდა.
როგორც სეს-ის მიერ გავრცელებულ ინფორმაციაშია აღნიშნული, მონიტორინგის სახელმწიფო კონტროლის პროგრამის ფარგლებში, მთელი ქვეყნის მასშტაბით, სხვადასხვა სარეალიზაციო ობიექტიდან აღებული და აკრედიტებულ ლაბორატორიაში გამოკვლეულია იმპორტირებული საზამთროს და ნესვის 41 ნიმუში.
კვლევის შედეგებით, ნიტრატები კანონმდებლობით დადგენილ ნორმას – 90 მგ.კგ, მხოლოდ ორ შემთხვევაში აღემატებოდა. ნესვის ნიმუშებში ერთ შემთხვევაში მცირედით აჭარბებდა დადგენილ მაჩვენებელს და 98,3 მგ.კგ. იყო, ხოლო მეორე შემთხვევაში – 140 მგ.კგ-ს შეადგენდა.
სეს-ის განცხადებით, მათ კანონმდებლობით დადგენილი ღონისძიებები გაატარეს და ბიზნესოპერატორს დაავალეს აღნიშნული სურსათის ბაზრიდან ამოღება/გამოთხოვა.
სეზონის გათვალისწინებით, სურსათის ეროვნული სააგენტო ბაზარზე ბაღჩეული კულტურების კვლევას რეგულარულად ჩაატარებს. საზამთროს და ნესვს ნიტრატების შემცველობაზე ამოწმებენ. აღსანიშნავია, რომ დღეის მდგომარეობით, ბაზარზე ძირითადად იმპორტირებული საზამთრო და ნესვი იყიდება.
Loading ...