სენაკი–ფოთი–სარფის გზის 85-ე კილომეტრზე სამი დღით მოძრაობა დროებით შეიზღუდება

საავტომობილო გზების დეპარტამენტის ინფორმაციით, სენაკი–ფოთი(ასაქცევი)–სარფის საერთაშორისო მნიშვნელობის საავტომობილო გზის 85-ე კილომეტრზე, მდინარე საჩინოს სახიდე გადასასვლელზე, მიმდინარეობს სადეფორმაციო ნაკერის გადაუდებელი დროებითი შეკეთების სამუშაოები.

უწყების ცნობით, სამუშაოების გამო მოძრაობა ეტაპობრივად შეიზღუდება

27 ოქტომბრის 12:00 საათიდან 29 ოქტომბრის 15:00 საათამდე – შეზღუდვა იმოქმედებს მარცხენა სამოძრაო ზოლზე (სარფი–ფოთის მიმართულება). აღნიშნულ პერიოდში, ტრანსპორტი იმოძრავებს საავტომობილო გზის 89-ე კილომეტრზე მდებარე ჩაქვის სატრანსპორტო კვანძის გავლით, გრიგოლეთი–შეკვეთილი–ქობულეთი–ჩაქვი–მახინჯაურის შიდასახელმწიფოებრივი გზის გამოყენებით.

29 ოქტომბრის 15:00 საათიდან 31 ოქტომბრის 18:00 საათამდე – შეზღუდვა გავრცელდება მარჯვენა სამოძრაო ზოლზე (ფოთი–სარფის მიმართულება). ამ პერიოდში, ავტოტრანსპორტი იმოძრავებს ქობულეთის სატრანსპორტო კვანძის გავლით, საჯავახო–ჩოხატაური–ოზურგეთი–ქობულეთის და გრიგოლეთი–შეკვეთილი–ქობულეთი–ჩაქვი–მახინჯაურის გზების გამოყენებით.

საავტომობილო გზების დეპარტამენტი ბოდიშს უხდის მოსახლეობას და მოუწოდებს მძღოლებს, გადაადგილებისას გაითვალისწინონ დროებითი შეზღუდვები და სათადარიგო მარშრუტები.