საჯავახო-ჩოხატაური-ოზურგეთი საავტომობილო გზაზე, რამდენიმე დღით გარკვეული შეზღუდვები წესდება

საავტომობილო გზების დეპარტამენტი საჯავახო-ჩოხატაური-ოზურგეთი-ქობულეთის  საავტომობილო გზაზე მიმდინარე სამუშაოების შესახებ ინფორმაციას აქვეყნებს.

“შიდასახელმწიფოებრივი მნიშვნელობის საჯავახო-ჩოხატაური-ოზურგეთი-ქობულეთის საავტომობილო გზის კმ0-კმ7 (საჯავახო-ნოღა) მონაკვეთზე მიმდინარე სარეაბილიტაციო სამუშაოების პროცესში, დაგეგმილია ასფალტ-ბეტონის საფარის მოწყობის სამუშაოების წარმოება. რის გამოც, 2025 წლის 17, 18 და 19 ივლისს ყოველდღიურად 08:00 სთ-დან 23:00 სთ-მდე, გზის აღნიშნულ მონაკვეთზე იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო მსუბუქი ავტოტრანსპორტის გადაადგილება თავისუფალია.”