სახელმწიფო საზღვრის უკანონო კვეთის საქმეზე მიხეილ სააკაშვილის სასამართლო პროცესი მიმდინარეობს

თბილისის საქალაქო სასამართლოში საქართველოს სახელმწიფო საზღვრის უკანონო კვეთის საქმეზე მიხეილ სააკაშვილის სასამართლო პროცესი მიმდინარეობს.

აღნიშნულ საქმეზე სააკაშვილს ბრალდება დაახლოებით, ერთი თვის წინ წაუყენეს, თუმცა სასამართლო პროცესი პირველად დღეს იმართება.

მიუხედავად საქართველოს ყოფილი პრეზიდენტის და მისი ადვოკატების მოთხოვნისა, სააკაშვილი სასამართლოში არ მიუყვანიათ.

შინაგან საქმეთა სამინისტრომ მიხეილ სააკაშვილის მიერ საზღვრის უკანონო კვეთის ფაქტთან დაკავშირებით გამოძიება პირველ ოქტომბერს დაიწყო. აღნიშნული საქმის ფარგლებში ბრალდება კიდევ 4 პირს აქვს წაყენებული და ის ცალკე წარმოებად მიმდინარეობს.