სახელმწიფო აუდიტმა ოზურგეთის მუნიციპალიტეტს ინფრასტრუქტურის მშენებლობასთან მიმართებაში არაერთი შენიშვნა მისცა და ხარვეზებზე მიუთითა. ოზურგეთის მუნიციპალიტეტის მერიის საქმიანობის შესაბამისობის ანგარიში, რომელიც 2022-23 და 2024 წლის პირველ ნახევარს ეხება, დეპუტატებს თავმჯდომარის მოადგილემ ლავრენტი ბიგვავამ გააცნო. სახელმწიფო აუდიტის დასკვნის თანახმად, შენიშნები ეხება მერიის სხვა საქმიანობასაც, მაგრამ მნიშვნელოვანი აქცენტია გაკეთებული ოზურგეთში მიმდინარე ინფრასტრუქტურული პროექტების განხორციელების მიმართულებით. აუდიტმა ოზურგეთის მერიას მიუთითა, რომ სამშენებლო სამუშაოების ნაწილი ვადის დარღვევით, ხანდახან კი უხარისხოდ სრულდება.
”აუდიტის ანგარიში ყველა სფეროს ეხება, მოცემულია კონკრეტული რეკომენდაციები იმ გარკვეული ხარვეზების გამოსასწორებლად, რაც დააფიქსირეს აუდიტის ექსპერტებმა. დაწყებული ინფრასტრუქტურიდან, ასევე, სოციალური პროგრამების მიმართულებით და ა.შ.
უნდა ითქვას, რომ აუდიტის მიერ წარმოდგენილი ანგარიში არის, ძირითადად, სარეკომენდაციო ხასიათის, მაგრამ არსებობს რიგი შენიშვნები, რომლებიც აუცილებლად უნდა იქნას გათვალისწინებული. ესენია სამშენებლო ობიექტების საკითხი, მათი დროულად არჩაბარება, {პროექტის შემსრულებლების მიერ ობიექტების ჩაბარება}. უნდა ითქვას, რომ ეს აუდიტის დასკვნა ყველაზე რბილია, რომელიც ჩემი ამ სტრუქტურაში მოღვაწეობის მანძილზე მიგვიღია. ჩვენ მერიასთან უკვე დავიწყეთ მუშაობა ამ მიმართულებით, რომ ის რეკომენდაციები გავითვალისწინოთ. ალბათ ერთი კვირის ვადაში მოვამზადებთ წინადადებათა პაკეტს და წარვუდგენთ სტრუქტურას” – განაცხადა ლავრენტი ბიგვავამ ”გურიაTV”-თან.
Loading ...