საშუალოდ რამდენი ადამიანი იცრება კორონავირუსის საწინააღმდეგო ვაქცინით ყოველდღიურად

მსოფლიოს 184 ქვეყანაში კორონავირუსის საწინააღმდეგო ვაქცინების 6.12 მილიარდი დოზა გამოიყენეს, – შესაბამის მონაცემს მსოფლიოში ვაქცინაციის მიმდინარეობის თაობაზე Bloomberg – ის პლატფორმა ავრცელებს.

ამავე მონაცემების თანახმად, დღეში 29.1 მილიონი ადამიანი იცრება. ამ დროისთვის მსოფლიოში გამოყენებული ვაქცინები მოსახლეობის 39.8%-ის სრულად ვაქცინირებისთვისაა საკმარისი.

მსოფლიოს ქვეყნებში ყველაზე მეტი ადამიანი ჩინეთშია ვაქცინირებული, სადაც გამოყენებული დოზების რაოდენობამ 2.1 მილიარდს გადააჭარბა. ინდოეთში გამოყენებული ვაქცინების დოზების რაოდენობა 855 მილიონია. ევროკავშირში ვაქცინების 562 მილიონზე მეტი დოზა გამოიყენეს, აშშ-ში კი 389 მილიონი. Bloomberg-ის მიხედვით, ვაქცინების 2 დოზით ევროკავშირში მოსახლეობის 64.4% აიცრა, აშშ-ში 55.2%, ჩინეთში კი – 73%.