აპრილის ბოლოს, თბილისში, აგრარულ ბაზრებსა და სუპერმარკეტებში ძირითადად იმპორტირებული ხილი და ასევე, ადგილობრივი წარმოების შარშანდელი ვაშლია წარმოდგენილი. EastFruit გუნდმა ფერმერებს სთხოვა, შეეფასებინა წელს გარგარისა და ატმის მოსავლიანობა. როგორც გაირკვა, საქართველოში ატმის კარგი მოსავალია, გარგარი კი საგაზაფხულო ყინვების გამო დაზარალდა.
გურჯაანელი ფერმერების შეფასებით, მარტის ყინვებმა, წელს გარგრის მოსავლის დაახლოებით 50-70% გაანადგურა.
აღსანიშნავია, რომ გარგრის მოსავალი დიდწილად დაიკარგა უზბეკეთში და ასევე, ყინვის გამო ტაჯიკეთში. სიტუაცია საკმაოდ რთულია ევროკავშირშიც. საფრანგეთში აცხადებენ, რომ საუკუნოვანი ყინვის გამო, გარგრის მოსავალი კატასტროფის წინაშე აღმოჩნდა. შესაბამისად, გარგარი ძვირი იქნება მთლიანად რეგიონში.
სანამ ბაზარზე ადგილობრივი ხილი გამოჩნდება, მყიდველებს შეუძლიათ შეიძინონ იმპორტირებული გარგარი, ატამი და ვაშლატამა, რომლის ღირებულებაც სუპერმარკეტებში 20-30 ლარია. ხოლო საბითუმო ბაზარზე იგივე ხილი 12-13 ლარად იყიდება.
ეს მაშინ, როდესაც EastFruit-ის მიერ გასული წლის მონიტორინგის თანახმად, საქართველოში გარგარის საშუალო საბითუმო ფასი 3,6 ლარი იყო.
www.bpn.ge
Loading ...
