საქართველოში შოკოლადის იმპორტი გაძვირდა – საიდან ვყიდულობთ ძირითადად

2025 წლის იანვარ-ივნისში, წინა წლის იმავე პერიოდთან შედარებით, საქართველოში შოკოლადის იმპორტი 5.7%-ით შემცირდა – ამის შესახებ ირკვევა სტატისტიკის ეროვნული სამსახურის მონაცემებით.

უფრო კონკრეტულად, მიმდინარე წლის პირველ ნახევარში საქართველოში იმპორტირებული 9 199 ტონა შოკოლადი (ჯამში 47.3 მილიონი აშშ დოლარის), წინა წლის იმავე პერიოდში კი 9 756 ტონა (სულ 39.6 მლნ აშშ დოლარის).

საქართველო შოკოლადის უდიდეს ნაწილს რუსეთიდან ყიდულობს

რაც შეეხება ფასებს, საქსტატის მონაცემები აჩვენებს, რომ შოკოლადის იმპორტი გაძვირდა. ასე მაგალითად, თუ მიმდინარე წელს 1 კგ-ის საშუალო საიმპორტო ფასი გადასახადების გარეშე 5.1 დოლარი იყო, შარშან 4-დოლარს შეადგენდა. მონაცემები აჩვენებს, რომ იმპორტი თითქმის 28%-ით გაძვირდა.

აღსანიშნავია ისიც, რომ საქართველო შოკოლადის უდიდეს ნაწილს რუსეთიდან ყიდულობს. წელს რუსეთის წილი შოკოლადის იმპორტში 38%-ს აჭარბებდა.

უფრო კონკრეტულად, 2025 წლის პირველ ნახევარში საქართველოში ყველაზე მეტი რაოდენობის შოკოლადი იმპორტირებულია შემდეგი 5 ქვეყნიდან:

• რუსეთი – 3 564 ტონა (12.056 მლნ აშშ დოლარის);
• უკრაინა – 1 410 ტონა (8.453 მლნ აშშ დოლარის);
• თურქეთი – 945 ტონა (5 170 მლნ აშშ დოლარის);
• პოლონეთი – 617 ტონა (4.643 მლნ აშშ დოლარის);
• ბელგია – 485 ტონა (3.259 მლნ აშშ დოლარის).

www.bpn.ge