საქართველოში „სინოვაკით“ ვაქცინაცია მომდევნო კვირიდან დაიწყება.
ამის შესახებ საქართველოს ჯანდაცვის მინისტრის მოადგილე თამარ გაბუნიამ ჯანდაცვის სამინისტროში ვაქცინაციის საბჭოს დასრულების შემდეგ გამართულ ბრიფინგზე განაცხადა.
შეგახსენებთ, „სინოვაკის“ ვაქცინას ჯანდაცვის მსოფლიო ორგანიზაციის ავტორიზაცია ჯერ არ მიუღია, თუმცა გამოქვეყნებულია შუალედური დასკვნა ვაქცინის ეფექტურობის შესახებ.
კერძოდ, ჯანდაცვის მსოფლიო ორგანიზაციის ექსპერტთა ჯგუფის წევრები დარწმუნებულები არიან, რომ 18-59 წლის ასაკობრივ ჯგუფში „სინოვაკის“ ვაქცინის ორი დოზა ეფექტურად ახდენს „კოვიდ-19“-ის პრევენციას და სერიოზული გვერდითი მოვლენების ალბათობა დაბალია.
ამავე დროს, მტკიცებულებებზე დაყრდნობით ექსპერტები მიიჩნევენ, რომ „სინოვაკის“ ვაქცინა 60 წელს ზემოთ ასაკობრივ ჯგუფში და სერიოზული ქრონიკული დაავადებების მქონე პაციენტებშიც ეფექტიანია.
Loading ...