საქართველოში კორონავირუსის გავრცელების დადებითობის დღიური მაჩვენებელი 1.85%-ს შეადგენს

საქართველოში კორონავირუსის გავრცელების დღიური მაჩვენებელი 13 თებერვლის მდგომარეობით, 1.85%-ს შეადგენს.

მთავრობის ინფორმაციით, ბოლო 14 დღის მანძილზე – 3.06% -ია , ხოლო 7 დღის მანძილზე – 2.6%.

Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 19 345 კვლევა ტესტით, მათ შორის 12 173 კვლევა ანტიგენის ტესტით და 7 172 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 357 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 265 557-ს.

საქართველოში ბოლო 24 საათში კორონავირუსით გარდაცვალების 9 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 3 352 პირი ემსხვერპლა.