საქართველოში ვაქცინაციის ასაკობრივი ჯგუფი ფართოვდება – ვის და რომელი ვაქცინით შეეძლება აცრა

საქართველოში „ასტრაზენეკის“ ვაქცინის გამოყენება 55 წელს გადაცილებულ პირებში გაგრძელდება.

ამის შესახებ ჯანდაცვის მინისტრის მოადგილე თამარ გაბუნიამ განაცხადა.

„ექსპერტების საბჭომ იმსჯელა და გაუწია რეკომენდაცია „ასტრაზენეკათი“ ვაქცინაციის გაგრძელებას  55 წლის ზემოთ ასაკობრივ ჯგუფში, იქნება ეს მაღალი რისკის, თუ  ნებისმიერი სხვა ჯგუფი“, – აღნიშნა გაბუნიამ.

მისივე თქმით, გაგრძელდება „ასტრაზენეკას“ მოწოდება, რადგან 55 წელს გადაცილებულ პირთა წრე საკმაოდ ფართოა.