საქართველოს საფეხბურთო ნაკრებმა რუმინეთი დაამარცხა

საქართველოს საფეხბურთო ნაკრებმა ამხანაგურ მატჩში რუმინეთი, სტუმრად 2-1 ანგარიშით დაამარცხა.

ანგარიში 61-ე წუთზე გიორგი მიქაუტაძემ გახსნა. ხოლო 72-ე წუთზე გიორგი აბურჯანიამ მეტოქის კარში მე-2 გოლი გაიტანა. 77-ე წუთზე ანდრეი ივანმა საქართველოს კარში გატანილი გოლით ანგარიშში სხვაობა მინიმუმამდე შეამცირა.

საქართველოს ნაკრები მომდევნო ამხანაგურ მატჩს ნიდერლანდებთან 6 ივნისს, თბილისის დროით 20:00 საათზე გამართავს.