საქართველოს პრეზიდენტობის კანდიდატი მიხეილ-გელა სალუაშვილი გარდაიცვალა

62 წლის ასაკში თეოლოგი, პოლიტოლოგი, კონსტიტუციონალისტი და საქართველოს პრეზიდენტობის კანდიდატი მიხეილ-გელა სალუაშვილი გარდაიცვალა. 

სალუაშვილმა 1980 წელს დაამთავრა საქართველოს პოლიტექნიკური ინსტიტუტი. 80-იან წლებში მუშაობდა საქართველოს კოსმიურ ნაგებობათა ინსტიტუტში, პოლიტექნიკური ინსტიტუტის უფროს მასწავლებლად. ავტორია 40 სამეცნიერო ნაშრომისა და 14 გამოგონების. 

1991 “მრგვალი მაგიდა – თავისუფალი საქართველოს” საარჩევნო სიით, გახდა საბურთალოს რაიონის საკრებულოს დეპუტატი. 1992 წელს დაარსა პოლიტიკური ორგანიზაცია “სამართლიანობის აღდგენის კავშირი – ხმა ერისა”. 1992, 1995, 2016, 2020 წლებში მონაწილეობდა საქართველოს საპარლამენტო არჩევნებში, 2013 და 2018 წლებში იყო საქართველოს პრეზიდენტობის კანდიდატი. 2014 და 2017 წლებში მიიღო მონაწილეობა ადგილობრივი თვითმმართველობის არჩევნებში.

tabula.ge