საქართველოს პირველი, ისტორიული მედალი ზამთრის ოლიმპიადაზე

ისტორიაში პირველად, ფიგურულ ციგურაობაში ქართულმა წყვილმა ოლიმპიური მედლები აიღო.

მილანსა და კორტინაში მიმდინარე ზამთრის ოლიმპიადაზე, ფიგურულ ციგურაობაში, სპორტულ წყვილებში, საქართველოს ნაკრების წევრებმა, ანასტასია მეტელკინამ და ლუკა ბერულავამ თავისუფალი პროგრამა წარმოადგინეს და 146.29 ქულა დაიმსახურეს.

ორი პროგრამის ჯამში ქართულმა წყვილმა 221.75 ქულა დააგროვა და ვერცხლის მედალი მოიპოვა, რაც ისტორიაში ზამთრის ოლიმპიადაზე საქართველოს მიერ მოპოვებული პირველი მედალია.

კვარცხლბეკი:

1. რიკუ მიურა, რუიჩი კიჰარა (იაპონია)

2. ანასტასია მეტელკინა, ლუკა ბერულავა (საქართველო)

3. ფაბიანე ჰასე, ნიკიტა ვოლოდინი (გერმანია)