![](https://guria.tv/wp-content/uploads/2021/11/garibashvili.jpg)
ქართველი სუროგატი დედები უცხოელებს ვეღარ მოემსახურებიან – ირაკლი ღარიბაშვილი ეჭვს გამოთქვამს, რომ საქართველოში დაბადებული ბავშვები ერთსქესიან წყვილებს გაჰყავთ
ჩვენ გვქონდა ამის თაობაზე მსჯელობა, ახალი კანონპროექტის მიხედვით, ჩვენი სურვილია, რომ მხოლოდ საქართველოს მოქალაქეებისთვის იყოს დაშვებული (სუროგაცია) ანუ უცხოეთის მოქალაქე ვეღარ შეუკვეთავს. უხეშად არ მინდა ვთქვა, მაგრამ ხდება პირდაპირ შეკვეთის განთავსება. ონლაინაცაა, ძალიან ბევრი რეკლამა ვრცელდება და ვფიქრობთ, ძალიან შემაშფოთებელია ამ საკითხის რეგულირების გარეშე დატოვება.
ძალიან ბევრი რეკლამა ვრცელდება, ჩვენს მოქალაქეებს, ქალბატონებს სთავაზობენ ე.წ. სარფიან ბიზნესს. შემდეგ არავინ არ იცის აქ დაბადებული ბავშვი ვის გაჰყავს, საერთოდ რომელ წყვილს გაჰყავს. არსებობს ინფორმაცია, რომ, შეიძლება, ერთსქესიან წყვილებს გაჰყავთ აქ დაბადებული ბავშვები და უამრავი პრობლემა შეიძლება იყოს”, – განაცხადა პრემიერ-მინისტრმა.
ჯანდაცვის სამინისტრო ამ საკითხზე პალამენტში კანონპროექტს უახლოეს პერიოდში წარადგენს.