“საქართველოს მთავრობის ქმედებებმა და დემოკრატიული რეფორმების შეფერხებამ უკუსვლა გამოიწვია” – ნედ პრაისი

საქართველოს ხელისუფლების ანტიამერიკული კაპანია ვაშინგტონში განხილვის საკითხია.

ბაიდენის ადმინისტრაცია პირდაპირ ამბობს, რომ “საქართველოს მთავრობის ქმედებებმა, და დემოკრატიული რეფორმების შეფერხებამ, უკუსვლა გამოიწვია” – ეს განცხადება სახელმწიფო დეპარტამენტის სპიკერმა საგანგებო ბირფინგზე გააკეთა.

ნედ პრაისი პირდაპირ ამბობს, რომ მთავრობის ქმედებებმა პოლარიზაცია კიდევ უფრო გააღრმავა.

ჩვენ გამოვთქვით შეშფოთება ზოგიერთი შემაშფოთებელი განცხადების გამო, რომელიც მოვისმინეთ საქართველოს პოლიტიკური სისტემისა და ქართული საზოგადოების ზოგიერთი წარმომადგენლისგან.
ჩვენ გამოვთქვით შეშფოთება მთავრობის ზოგიერთ ქმედებებთან დაკავშირებით.

მთავრობის ქმედებებმა, მათ შორის მნიშვნელოვანი დემოკრატიული რეფორმების შეფერხებამ ან უკან დახევამ, უკუსვლა გამოიწვია. 

ასევე ამან ევროკავშირში გაწევრიანებისა და უფრო ფართო ევროატლანტიკური მისწრაფებისკენ შეფერხება გამოიწვია. ამ ქმედებებმა – რომლებმაც შეგვაშფოთა, გამოიწვია პოლარიზაციის გაღრმავება ქართულ საზოგადოებაში.

ჩვენ ვფიქრობთ, რომ ზოგიერთი ქმედება, რიტორიკა, ეწინააღმდეგება ქართველი ხალხის ინტერესებს.
მოვუწოდებთ საქართველოს, გამოავლინოს ერთგულება ევროკავშირში ინტეგრაციისადმი, ამ გზაზე წინსვლისთვის აუცილებელი რეფორმების გატარებით“. – განაცხადა ნედ პრაისმა.