საქართველოს კალათბურთელთა ეროვნული ნაკრები დღეს მსოფლიოს 2023 წლის ჩემპიონატის საკვალიფიკაციო ეტაპის მორიგ შეხვედრას გამართავს. ეროვნული ნაკრები თბილისი არენაზე იტალიას დაუპირისპირდება.
ისლანდიასთან მატჩის მსგავსად, ეროვნულ ნაკრებს “ენ-ბი-ეის” რეგულაციების გამო გოგა ბითაძე და სანდრო მამუკელაშვილი ვერ დაეხმარებიან. საკადრო პრობლემები აქვს იტალიის ნაკრებსაც, საქართველოს წინააღმდეგ სხვადასხვა მიზეზის გამო შვიდი წამყვანი კალათბურთელი ვერ ითამაშებს.
საკვალიფიკაციო ეტაპის ბოლო ტურში ქართველმა კალათბურთელებმა ისლანდია დაამარცხეს, იტალიელებს კი ესპანეთმა აჯობა. ამ დროისთვის “ელ” ჯგუფს ესპანეთი 6 მოგებით ლიდერობს, იტალია მეორე ადგილზეა, 4 გამარჯვებით მესამე ადგილზე იმყოფება საქართველოს ეროვნული ნაკრები.
საქართველოსა და იტალიის საკალათბურთო დაპირისპირება თბილისი არენაზე 19:00 საათზე დაიწყება.
Loading ...