საქართველოს აფთიაქში "მადლი ღვთისა“ იყიდება – პრეპარატის ანოტაციაში წერია, რომ ის კორონავირუსს კურნავს

“მადლი ღვთისა” – ქართული წარმოების საკვები დანამატი, რომლის ანოტაციაში წერია, რომ ის “კოვიდ 19-ის” საწინააღმდეგო ძლიერი საშუალებაა და რომელიც ერთ-ერთ ქსელურ აფთიაქში იყიდება.

“ავერსი” ადასტურებს, რომ “მადლი ღვთისა” მათ სააფთიაქო ქსელში იყიდება. საკვები დანამატის 4 აბი 60 ლარი ღირს და ურეცეპტოდ გაიცემა.

იმ დროს, როდესაც მთელი მსოფლიო კორონავირუსის წინააღმდეგ პრეპარატის შექმნას ერთი წელია ელოდება, საქართველოში კომპანია “მადლი ღვთისა” ირწმუნება, რომ ამავე სახელწოდების აბებით უკვე 300-ზე მეტი კოვიდინფიცირებული განკურნა.

საკვები დანამატის გაყიდვისას ღვთის სახელის გამოყენება სასულიერო პირებისთვის მიუღებელი აღმოჩნდა.​

ექიმები კი მოსახლეობას ვირუსის წინააღმდეგ საბრძოლველად ხალხური მედიცინისა და სხვა მსგავსი ექსპერიმენტული საშუალებების გამოყენებისგან თავის შეკავებას ურჩევენ. “კოვიდ 19-ის” საწინააღმდეგოდ მსგავსი საშუალებების გამოყენებამ, შესაძლოა, მდგომარეობის კიდევ უფრო დამძიმება გამოიწვიოს.

წყარო: https://rustavi2.ge/ka/news/185702