საფრანგეთში რუსეთის საკონსულოს თანამშრომელი მოპარულ ველოსიპედებს ყიდდა

მიმდინარე წლის თებერვალში სტრასბურგში რუსეთის საკონსულოს თანამშრომელი დააკავეს. 

გაირკვა, რომ ის, დიპლომატიური მისიის შენობის მიმდებარე ტერიტორიიდან მოპარულ ველოსიპედებს ყიდდა. 

დაკითხვის შემდეგ პოლიციამ ის გაათავისუფლა და კაციც მაშინვე რუსეთში გაიქცა, მიზეზად ჯანმრთელობის პრობლემა დაასახელა, სინამდვილეში ას არ აქვს დიპლომატიური იმუნიტეტი და ამიტომაც გაიქცა. 

გამოძიება მას შემდეგ დაიწყო, რაც სტრასბურგის ყოფილს ვიცე მერს, ალენ ფონტანელს ძვირადღირებული ელექტრო ველოსიპედი მოპარეს. 

ქურდობიდან რამდენიმე დღის შემდეგ ფონტანელმა ნახა, რომ მისი ველოსიპედი ერთ-ერთ საიტზე იყიდებოდა. გამყიდველს მის ნივთთან ერთად კიდევ რამდენიმე ველოსიპედის გაყიდვის განცხადება ჰქონდა გამოქვეყნებული. 

სტრასბურგის ყოფილმა მერმა პოლიციას მიმართა. პოლიცია კი გამყიდველს დაუკავშირდა, როგორც კლიენტი. შეთანხმდნენ შეხვედრაზე რუსეთის საკონსულოს შენობის უკანა კართან. გამყიდვეკლმა პოლიციელს წარუდგინა ფონტანელის ველოსიპედი (რაც დადასტურდა სერიული ნომრით), ასევე წარმოადგინა ნასყიდობის ყალბი ქვითარი რუსეთის საკონსულოს ბეჭდით. მას თან ჰქონდა კიდევ სამი ველისიპედი, რომელთა მფლობელმები ჯერ არ გამოვლენილა – ისინი მას პოლიციას ჩამოართვა. 

გამოძიებამ გაარკვია, რომ 2020 წლის იანვრიდან ამ კაცმა საიტზე Leboncoin 300-მდე განცხადება გამოაქვეყნა და ჯამში 100 000 ევროს ველოსიპედები გაყიდა. 

მიუხედავად იმისა, რომ მოპარული ველოსიპედების ქურდი ახლა რუსეთში იმალება, გამოძიება გრძელდება. 

აღსანიშნავია, რომ ქურდი რუსი დიპლომატის მძღოლი იყო. ის მოპარულ ველოსიპედებს უშუალოდ საკონსულოს შენობიდან ყიდდა, ხოლო საკონსულოს სახელით მომხმარებლებს ინვოისებსაც აძლევდა. 

რუსეთის საკონსულო უარს ამბობს საფრანგეთის პოლიციისთვის მის შესახებ პირადი ინფორმაციის მიწოდებაზე.

უცნობია, ანაწილებდა თუ არა ის ფულს საკონსულოს სხვა თანამშრომლებთან.