ქალაქ ლიონში, გამტაცებელთა ჯგუფმა დაბლოკა ინკასაციის ფურგონი და რამდენიმე მილიონი ევრო გაიტაცეს. დანაშაული 28 აგვისტოს, ნაშუადღევს მოხდა. თავდასხმის დროს არავინ დაშავებულა, იუწყება ფრანგული გამოცემა Le Progrès.
მედიის ცნობით, თავდამსხმელები თავს დაესხნენ ინკასაციის მანქანას, როდესაც ის საფრანგეთის ბანკის შენობიდან გადიოდა. მათ ორი მიკროავტობუსით გადაკეტეს გზა, იარაღის მუქარით აიძულეს ინკასატორები კარი გაეღოთ, რის შემდეგაც თანხა წაიღეს. შემდეგ მძარცველებმა ინკასაციის მანქანა დაწვეს.
მოგვიანებით, ქალაქის სამხრეთ ნაწილში, პოლიციამ იპოვა დამწვარი ავტომობილები, რომლითაც კრიმინალები გაიქცნენ.
პროკურატურა არ ასახელებს ზუსტ თანხას, რომელიც თავდამსხმელებმა წაიღეს, თუმცა ვრცელდება ინფორმაცია, რომ დანაკარგი რამდენიმე მილიონ ევროს შეადგენს.
დამნაშავეები ჯერ ვერ იპოვნეს, იუწყება rfi.fr. გამოცემა ასევე წერს, რომ მძარცველებმა დაახლოებით 9 მილიონი ევრო წაიღეს – ეს არის ყველაზე დიდი თანხა, რომელიც 2009 წლის შემდეგ მოიპარეს მსგავს ვითარებაში. მსგავსი ძარცვა 2009 წელს ლიონში მოხდა, ერთ-ერთი ინკასატორის გეგმის მიხედვით. მაშინ თავდამსხმელები 11,6 მილიონი ევროთი გაიქცნენ, აქედან 9 მილიონი პოლიციამ ერთ-ერთი გამტაცებლის ნაქირავებ ავტოფარეხში იპოვა.
www.esp.md
Loading ...