საფრანგეთის ყოფილ პრეზიდენტს, ნიკოლა სარკოზის 5 წლით თავისუფლების აღკვეთა მიუსაჯეს, – ამის შესახებ ინფორმაციას „ბიბისი“ ავრცელებს.
ყოფილ პრეზიდენტს თავისუფლების აღკვეთა მას შემდეგ მიუსაჯეს, რაც პარიზის სასამართლომ ის მუამარ კადაფისგან 2007 წლის ლიბიის საპრეზიდენტო არჩევნებში დახმარების სანაცვლოდ მილიონობით ევროს უკანონოდ მიღებაში დამნაშავედ ცნო.
მედიის ცნობით, პროკურორები სარკოზისთვის შვიდი წლით თავისუფლების აღკვეთას ითხოვდნენ. სარკოზი ირწმუნება, რომ საქმე პოლიტიკურად მოტივირებულია.
ამასთან, პარიზის სასამართლომ ნიკოლა სარკოზი ყველა სხვა ბრალდებაში, მათ შორის კორუფციაში მონაწილეობისა და საფრანგეთში საარჩევნო კამპანიის უკანონო დაფინანსების საქმეებზე გაამართლა.
ცნობისთვის, ნიკოლა სარკოზი საფრანგეთის პრეზიდენტის თანამდებობას 2007-2012 წლებში იკავებდა.
Loading ...