სასწრაფო სამედიცინო დახმარების ექიმები საპროტესტო აქციას მართავენ. მედიცინის მუშაკები საგანგებო სიტუაციებისა და გადაუდებელი დახმარების ცენტრის მთავარ ოფისთან ხელფასების ზრდას, სამუშაო პირობების გაუმჯობესებასა და ზემდგომი პირების გათავისუფლებას ითხოვენ. მედიცინის პროფკავშირების წარმომადგენლები თვეების განმავლობაში უშედეგოდ აპროტესტებენ სასწრაფო დახმარების ექიმების სამუშაო პირობების, თუმცა ამ დრომდე ხელისუფლებისგან კონკრეტული ნაბიჯები არ გადადგმულა.
დღევანდელი აქციის მთავარი ადრესატი ჯანდაცვის მინისტრია, რომელმაც გუშინ განაცხადა, რომ სასწრაფოს ექიმებს ხელფასებს ვერ მოუმატებს, რადგან სამინისტროში სხვა სსიპ-ებიც არის და ანაზღაურების მომატებას ისინიც მოითხოვენ, ბიუჯეტს კი ამის რესურსი არ აქვს.
აქციის მონაწილე მედიკოსები ამბობენ, რომ ისინი იანვრიდან ვეღარც დაზღვევით სარგებლობენ.
Loading ...