გუშინ ოზურგეთის მუნიციპალიტეტის სოფელ ნატანებში მომხდარ მკვლელობასთან დაკავშირებით ვერსიები კვლავ არ არსებობს. მეზობლები მომხდარით გაოგნებულები არიან და ამბობენ, რომ ამირან ფალავანდიშვილი ძალიან დადებითი, უკონფლიქტო პიროვნება იყო.”ძალიან კარგი ადამიანი იყო, გასაოცარი ამბავი მოხდა. ვინ რას ერჩოდა ასეთ კარგ ადამიანს, წარმოდგენა არ გვაქვს. შვილთანაც საუკეთესო ურთიერთობა ჰქონდა. მას შემდეგ, რაც მოკლული აღმოვაჩინეთ, შვილი ვერ ვიპოვეთ. ამ მომენტამდე არ ჩანს” – ამბობენ ზემო ნატანებში.
” მისი ძმა ურეკავდა გუშინ დილით, რომ არ უპასუხა, მეზობელი გაუშვა სანახავად. სწორედ მეზობელმა ნახა საწყალი. საწოლთან ახლოს იყო სასტიკად მოკლული. თავში აქვს ბლაგვი საგანი ჩარტყმული, მუცელზე დანით აქვს ჭრილობა მიყენებული და ვენები გადაჭრილი აქვს. შემზარავი მკვლელობაა მომხდარი. მთელი სოფელი გაოგნებულები ვართ.” – ყვებიან ახლო მეზობლები.
როგორც ამბობენ, ამირან ფალავანდიშვილი სოფელ ნატანებში ხშირად ჩამოდიოდა. აქ მას სახლი ჰქონდა და ჰყავს ძმაც, რომელიც ავად არის და ლოგინად არის ჩავარდნილი. ფალავანდიშვილი, მეზობლების თქმით, ამჯერად ციტრუსის რეალიზაციიის მიზნით იყო ჩამოსული, რაც მან, სავარაუდოდ, ვერ მოასწრო.
შეგახსენებთ, რომ 55 წლის მამაკაცი მეზობელმა სასტიკად მოკლული იპოვა. ფალავანდიშვილს თავის არეში ბლაგვი საგნით, მუცლის არეში კი დანით მიყენებული ჭრილობები აღენიშნებოდა. ამირან ფალავანდიშვილი თბილისში ცხოვრობდა და ოზურგეთში შვილთან ერთად ხშირად ჩამოდიოდა.მათ აქ სახლი ჰქონდათ. აქვე ცხოვრობს გარდაცვლილის ძმაც. როგორც მეზობლები ყვებიან, ცხედრის აღმოჩენის მომენტიდან არ ჩანდა და ამ დრომდე ვერ პოულობენ გარდაცვლილის შვილს. მათივე თქმით, მამა-შვილს ერთმანეთთან კარგი ურთიერთობა ჰქონდათ.
შსს ინფორმაციით საქმე აღძრულია სისხლის სამართლის კოდექსის 108-ე მუხლით.
კომენტარები
Loading ...