სარფში საზღვრის კვეთის დრო იცვლება – რა უნდა იცოდეს თურქეთში წასვლის მსურველმა მოქალაქემ

სარფის საბაჟო გამშვებ პუნქტზე სამუშაო საათები, რომელიც კორონავირუსის პანდემიის გამო იყო შეზღუდული, გახანგრძლივდება.

ბათუმში თურქეთის საკონსულოს ცნობით, დღეიდან, 14 ოქტომბრიდან, საქართველოდან თურქეთში მიმავალ მოქალაქეებს შეეძლებათ სარფის საზღვარი დილის 10:00 საათიდან საღამოს 24:00 საათამდე გადაკვეთონ.

საქართველოდან თურქეთში წასვლის მსურველ მოქალაქეს უნდა ჰქონდეს:

• საქართველოს მოქალაქის პასპორტი ან პირადობა
• კოვიდპასპორტი ან PCR ტესტი
• მოქალაქემ გამგზავრებამდე 72 საათით ადრე თურქეთის ჯანდაცვის სამინისტროს ოფიციალურ გვერდზე უნდა შეავსოს ელექტრონული ანკეტა –  register.health.gov.tr და მიიღოს ე.წ. HES კოდი. HES კოდი საჭიროა თურქეთში გადაადგილებისთვის.

დღემდე სარფის საზღვრის გადაკვეთა შესაძლებელი იყო დილის 10:00 საათიდან საღამოს 22:00 საათამდე.