უწყებათაშორისმა კომისიამ საპენსიო სესხების საკითხზე მსჯელობა დაასრულა. განხილვაში მმართველი გუნდის, ოპოზიციის, ეროვნული ბანკისა და არასამთავრობო ორგანიზაციების წარმომადგენლები მონაწილეობდნენ.
სახელმწიფო კომისიამ შეიმუშავა საკონკურსო პირობები, რომლის მიხედვითაც, განხილვის მონაწილეების განცხადებით, საპენსიო სესხის პროცენტი არ იქნება 26%-ზე მეტი.
შეხვედრის მონაწილეების განცხადებით, მათ აქვთ მოლოდინი, რომ კონკურენციის გაზრდის პირობებში, პროცენტი კიდევ უფრო შემცირდება. კომისიის წევრის ირაკლი ზარქუას განცხადებით, სახელმწიფო პენსიის გამცემ პოტენციურად განარჯვებულ ბანკს ყოველწლიურად გადაუხდის 15 მილიონ ლარს.
კომისიის წევრების თქმით, ეს არის ე.წ. პენსიის დარიგების ფული და იქნება ერთგვარი სუბსიდირება სახელმწიფოს მხრიდან, რომ საპროცენტო განაკვეთი შემცირდეს.
ამასთან, პენსიონერებს სურვილის მიხედვით პენსსიის სხვა ბანკში აღების საშუალებაც ექნებათ. ახალი პირობებით კონკურსში მონაწილეობის სურვილი ამ ეტაპზე „ლიბერთი ბანკმა“ და „საქართველოს ბანკმა“ გამოთქვეს.
დღევანდელ შეხვედრაში მონაწილეობდნენ ირაკლი ზარქუა, გიორგი ვაშაძე და ალეკო ელისაშვილი.
Loading ...