ნინოწმინდის ბავშვთა პანსიონი მშობლების სურვილის საფუძველზე, კიდევ 5-მა ბავშვმა დატოვა.
საპატრიარქოს სპეციალური კომისიის წევრის ვეფხვია ოდიშარიას განმარტებით, ბავშვები ზაფხულობით მიჰყავთ ხოლმე.
მისი თქმით, პანსიონატთან დაკავშირებით შესწავლილი იქნება ყველა დეტალი და შესაბამისი დასკვნა დაიდება.
„სოციალური მუშაკები და ჩვენ პროცესს ვაკვირდებით. გამოთქმული ჰქონდათ სურვილი და ჩამოვიდნენ. ადრე ჰქონდათ გადაწყვეტილი გაყვანა. გაჰყავთ ხოლმე ზაფხულობით, როგორც ჩვენ გვითხრეს. 5 ბავშვია, რომლებიც ახლა წავიდნენ. ჩემი შეკითხვა იყო, დაბრუნდება თუ არა, შევხედავთ სიტუაციას და იმის მიხედვით ვიმოქმედებთო. კომისიას გაწერილი აქვს გეგმა და გეგმის მიხედვით, სოციალურ სამსახურთან ერთად, ვაკვირდებით და ვსწავლობთ სიტუაციას, რა, როგორ და რანაირად მიმდინარეობდა. როგორც პირველივე დღეს მოგახსენეთ, შესწავლილი იქნება ყველაფერი და ჩვენი მხრიდან დასკვნა დაიდება“,-განაცხადა ოდიშარიამ.
ცნობისთვის, საქართველოს საპატრიარქო სასამართლო გადაწყვეტილებას გაასაჩივრებს, რომელიც ნინოწმინდის პანსიონიდან ბენეფიციართა გამოყვანის პროცესს ეხება.
როგორც საპატრიარქოს განცხადებაშია აღნიშნული, სასამართლოზე წარმოდგენილი არ ყოფილა შესაბამისი მტკიცებულებები იქ მყოფ არასრულწლოვნებზე უღირსი მოპყრობის და ძალადობის დამადასტურებელი ფაქტების შესახებ.
ამასთან, საპატრიარქო მიიჩნევს, რომ პანსიონიდან ბენეფიციარების გაყვანის დაჩქარებული პროცესი არ შეესაბამება ბავშვების საუკეთესო ინტერესს.
Loading ...