სახელმწიფო უსაფრთხოების სამსახურში რადიო თავისუფლებას უთხრეს, რომ ოკუპირებულ ცხინვალის რეგიონში უკანოოდ ჰყავთ დაკავებული საქართველოს მოქალაქე. მის გასათავისუფლებლად კი მუშაობა მიმდინარეობს.
სუსის ცნობით, ამოქმედებულია „ცხელი ხაზი“, ინფორმირებულია ევროკავშირის სადამკვირვებლო მისია.
სახელმწიფო უსაფრთხოების სამსახური დაკავებული პირის ვინაობას არ ასახელებს. დე ფაქტო უშიშროების კომიტეტის მიერ დღეს, 13 ნოემბერს გავრცელებული განცხადებიდან ირკვევა, რომ 9 და 11 ნოემბერს ე.წ. საზღვრის უკანონოდ გადაკვეთისთვის დაუკავებიათ კიდევ ორი მოქალაქე, თბილისელი დავით მიშელაშვილი და დუშეთის მუნიციპალიტეტის სოფელ გრემისხევის მცხოვრები ვაჟა გაფრინდაშვილი.
„რუსთავი 2“-ის ინფორმაციით, ვაჟა გაფრინდაშვილი ცნობილი ექიმია.
დე ფაქტო უშიშროების კომიტეტის ცნობით, ვაჟა გაფრინდაშვილის წინააღმდეგ სისხლის სამართლის საქმე აღძრა ე.წ. საზღვრის განზრახ, უკანონოდ გადაკვეთის ბრალდებით.
13 ნოემბერს რუსეთის მიერ ოკუპირებული ცხინვალის რეგიონის დე ფაქტო ხელისუფლებამ პატიმრობიდან გაათავისუფლა ე.წ. საზღვრის დარღვევის ბრალდებით 11 ნოემბერს დაკავებული, კასპის მუნიციპალიტეტის სოფელ კოდისწყაროს მცხოვრებლები, ზურაბ ტუხიაშვილი და რამაზ ზადიშვილი.
www.radiotavisupleba.ge
Loading ...
