პარლამენტში თავდაცვისა და უშიშროების კომიტეტმა “თავდაცვის კოდექსის” და მისი თანმდევი 45 კანონპროექტის მეორე მოსმენით განხილვა დაასრულა. პროექტში შესული ცვლილების თანახმად, წვევამდელთა ეროვნულ სამხედრო სამსახურში გაწვევის გადავადების საფუძველი მოსაკრებლის გადახდა აღარ იქნება. პირველი ვერსიით, გადავადების მოსაკრებელი ერთჯერადად 10 000 ლარი უნდა ყოფილიყო, მაგრამ ეს პუნქტი გაუქმდა.
გადავადების საფუძველი შეიძლება გახდეს საჯარო უწყებაში მუშაობა, კერძოდ თუ პირი მუშაობს სამინისტროებში, სამინისტროს სისტემაში სსიპ-ში, შინაგან საქმეთა სამინისტროში, იუსტიციის სამინისტროში შემავალ საქვეუწყებო დაწესებულებებში, როგორიცაა პენიტენციური სამსახური, სახელმწიფო უსაფრთხოების, დაზვერვისა და სახელმწიფო დაცვის სპეციალური სამსახურები.
დეპუტატი თეონა აქუბარდია ამბობს, რომ მიზანი, სავარაუდოდ, პოლიტიკურია:
“ის ადამიანები, რომლებიც ძალოვან უწყებებში არიან და სჭირდებათ სამხედრო სავალდებულო სამსახური პროფესიულად, ისევე, როგორც ქვეყანას უნდა სჭირდებოდეს ამ ადამიანების უნარჩვევები და სამხედრო ბილეთი, ამ შემთხვევაში ეს არის შესაძლებლობა საკუთარი ვიწრო წრე გაათავისუფლოს”.
Loading ...