”სამუშაო კაბინეტებში არ შევუშვებთ” – ოზურგეთის მერია საპროტესტო ტალღის საფრთხის წინაშეა

სველი კედლები, გაფუჭებული რემონტი და დაზიანებული ავეჯი – ეს ნასაკირალის ცენტრში არსებული კორპუსის რეალობაა, რომელშიც აქაურები თითქმის ერთი თვეა ცხოვრობენ. 28 მარტს, ძლიერმა ქარმა აღნიშნულ კორპუსს სახურავი თითქმის მთლიანად გადახადა, თუმცა მრავალგზის დაპირების მიუხედავად ამ დრომდე ხელისუფლებამ არათუ დასრულება, სამუშაოების დაწყებაც კი ვერ მოახერხა. ნასაკირალის მაჟორიტარი დეპუტატი ბესო ქათამაძე აღნიშნულ საქმეში კორუფციის ნიშნებს ხედავს და ამბობს, რომ თუ ხელისუფლებამ ეს პრობლემა უახლოეს დღეებში არ მოაგვარა, დაბა ნასაკირალის მოსახლეობა ხელუსფლების წევრებს სამუშაო კაბინეტებში შესვლის საშუალებას არ მისცემს.