სამი ოქრო, სამი ვერცხლი, ორი ბრინჯაო და გუნდური მეორე ადგილი – ოზურგეთელი მძლეოსნების მორიგი წარმატება

9 – 11 ივლისს, თბილისში საქართველოს ღია ახალგაზრდული ჩემპიონატი გაიმართა. შეჯიბრში მონაწილეობა 2005 – 2007 წლებში დაბადებულმა მოზარდებმა მიიღეს. ასპარეზობაში აქტიურად ჩაებნენ და საუკეთესო შედეგები აჩვენეს ოზურგეთის მუნიციპალიტეტის სპორტულ – გამაჯანსაღებელ დაწესებულებათა გაერთიანებასთან არსებულმა მძლეოსანთა სექციის სპორტსმენებმა.

ოზურგეთიდან 11 სპორტსმენმა იასპარეზა. ღია პირველობაზე საქართველოს ჩემპიონის ტიტული მოიპოვეს: ქეთევან თევზაძე – ბირთვის კვრა; ლუკა ჯავახაძე – შუბის ტყორცნა; ლენე ჩავლეშვილი –  შუბის ტყორცნა;

ხოლო მეორე ადგილი  დაიკავეს: მერაბ მახარაძემ –  სამხტომი; ქეთევან მამალაძე – ბადროს ტყორცნა; ნიკოლოზ თორდია – 200 მ. რბენა

მესამე საპრიზო ადგილი: ქეთი მამალაძემ –  ბირთვის კვრა; ქეთევან თევზაძემ – სიგრძეზე ხტომა.

მოზარდები ასპარეზობისათვის მწვრთნელმა, მარინე კოტრიკაძემ მოამზადა. ასპარეზობაზე გამოვიდა და მესამე საპრიზო ადგილი დაიკავა ზურაბ მამფორიამ. მამფორიას მინდია ერქომაიშვილი ავარჯიშებს. ოზურგეთელმა სპორტსმენებმა გუნდური სისტემითაც წარმატებით იასპარეზეს და შვედურ ამანათრბენში II ადგილი დაიკავეს : მერაბ მახარაძემ, .ნიკოლოზ თორდიამ, გიორგი მელუამ, ზურაბ მამფორიამ. შვედურ ამანათრბენში პირველი ადგილი დაიკავა ქეთევან თევზაძემ.