სამეზობლოში საქართველო თავდაცვაზე ყველაზე ნაკლებს ხარჯავს – როგორია მეზობელი ქვეყნების მონაცემები

ირანში აშშ-ისრაელის ერთობლივი სამხედრო ოპერაცია, რომელსაც ისრაელმა „ლომის ღრიალი“, აშშ-მა კი „ეპიკური რისხვა“ უწოდა, მეექვსე დღეა მიმდინარეობს.

კონფლიქტის მეხუთე დღეს, 4 მარტს, ირანმა თურქეთის მიმართულებით ბალისტიკური რაკეტა გაუშვა, რომელიც აღმოსავლეთ ხმელთაშუა ზღვაში განლაგებულმა ნატო-ს საჰაერო და სარაკეტო თავდაცვის სისტემებმა გაანადგურა. აღსანიშნავია, რომ ირანი თურქეთის მიმართულებით რაკეტის გაშვებას უარყოფს.

5 მარტს დრონებით იერიში ნახიჩევანზეც განხორციელდა. აზერბაიჯანის თავდაცვის სამინისტრომ მომხდარზე სრული პასუხისმგებლობა ირანის ისლამურ რესპუბლიკას დააკისრა.

„თავდასხმის სამიზნე სამოქალაქო ობიექტები იყო. აზერბაიჯანის სახელმწიფო მკაცრად გმობს ამ მახინჯ ტერორისტულ აქტს და მისმა ჩამდენებმა დაუყოვნებლივ უნდა აგონ პასუხი“, – განაცხადა პრეზიდენტმა ილჰამ ალიევმა.

მოგვიანებით, The Times of Israel-მა გაავრცელა ინფორმაცია იმის შესახებ, რომ აზერბაიჯანმა ქვეყნის სამხრეთით საჰაერო სივრცე დროებით დახურა. მათივე ცნობით, აზერბაიჯანის სამხრეთში საჰაერო სივრცე 12 საათის განმავლობაში დახურული დარჩება.

ამასთანავე, Middle East Eye-მა დღეს არაბ მაღალჩინოსნებზე დაყრდნობით გაავრცელა ინფორმაცია, რომ ირანმა შესაძლოა, მიზანში ამოიღოს ბაქო-თბილისი-ჯეიჰანის (BTC) ნავთობსადენი, რომელიც ისრაელისთვის ნედლი ნავთობის ერთ-ერთი მთავარი მიმწოდებელია. საქართველოში ანალიტიკოსების ნაწილი მიიჩნევს, რომ გავრცელებული ინფორმაცია შესაძლოა, დეზინფორმაცია იყოს, თუმცა სრულად არაფრის გამორიცხვა არ შეიძლება.

გააგრძელეთ კითხვა: