დაავადებათა კონტროლის ცენტრის დირექტორის, ამირან გამყრელიძის თქმით, თბილისში, სამედიცინო უნივერსიტეტის მოპირდაპირე მხარეს მდებარე ნიკორას 2 თანამშრომელს COVID 19 დაუდასტურდა. გამყრელიძე აღნიშნავს, რომ ობიექტმა უკვე შეცვალა პერსონალი და მიმდინარეობს ეპიდკვლევა.
“2 თანამშრომელს აქვს დადასტურებული ერთ-ერთი სასურსათო მაღაზიის. ეს არის ქსელური მაღაზია. ობიექტმა შეცვალა მთლიანად იმ დღის პერსონალი, გადაიყვანეს თვითიზოლაციაში და მიმდინარეობს ეპიდკვლევა. ეს არის ნიკორა, სამედიცინო უნივერსიტეტის მოპირდაპირე მხარეს”. – ამბობს ამირან გამყრელიძემ.
მისივე თქმით, ინფიცირებულები უკვე დადასტურებული შემთხვევის კონტაქტები არიან.
საქართველოში ახალი კორონავირუსის 1 548 შემთხვევაა დადასტურებული, მათ შორის 38 – ბოლო 24 საათში. აქედან 1 270 ადამიანი გამოჯანმრთელდა, 19 კი გარდაიცვალა.