“სამართლიანობამ იზეიმა, შეთანხმება შედგა” – მაღაროელებისა და ჯორჯიან მანგანეზის შეთანხმება შედგა

მაღაროელების ფეისბუქის გვერდზე გამოქვეყნებული პოსტის მიხედვით, მათი შეთანხმება ჯორჯიან მანგანეზთან შედგა.

“ჩვენმა შრომამ, სოლიდარობამ და მხარდაჭერამ შედეგები გამოიღო, სამართლიანობამ იზეიმა, შეთანხმება შედგა”, — დაწერეს მათ. ჭიათურაში მაღაროელების პროტესტი 5 დღე გრძელდებოდა.

დარკვეთის მაღაროში მოითხოვდნენ

12-საათიან სამუშაო გრაფიკზე, ე.წ. ვახტურ რეჟიმზე გადასვლას და შესაბამისი ანაზღაურების მიღებას. ვახტური რეჟიმი ზედიზედ 15 დღის (ან ღამის) განმავლობაში 12-საათიან ცვლაში, ოფიციალური შესვენების გარეშე მუშაობას გულისხმობს. მაღაროელები ამბობდნენ, რომ დამსაქმებელი თანახმა იყო, გადასულიყო დარკვეთის მაღარო 12-საათიან სამუშაო გრაფიკზე, მაგრამ ჯორჯიან მანგანეზი შესაბამისი ხელფასის გადახდაზე უარს ამბობდა.

 გასულ ხუთ დღეს, სამუშაოები გაჩერებული იყო ჭიათურის 13 მაღაროში, რადგან დარკვეთის მაღაროში მომუშავეებს სოლიდარობა გამოუცხადეს სხვა მაღაროელებმაც, რომლებიც უკვე ვახტური რეჟიმით მუშაობენ.