სამართალდამცველებზე თავდასხმის ფაქტზე 13 პირი დააკავეს – რა მოხდა ურეკში

სამართალდამცველებზე თავდასხმის ფაქტზე დაბა ურეკში 13 პირი დააკავეს.. შემთხვევა წუხელ, გვიან ღამით მოხდა. გავრცელებული ინფორმაციით, ინციდენტი მაშინ მოხდა, როცა ურეკში წუხელ სასტუმროში გაჩენილი ხანძრის ჩაქრობას ცდილობდნენ. ადგილობრივების ინფორმაციით, პოლიციას და ერთ ახალგაზრდას შორის ადგილი ჰქონდა სიტყვიერ დაპირისპირებას, რის შემდეგაც ახალაგაზრდა მამაკაცი დააკავეს და პოლიციის განყოფილებაში გადაიყვანეს. როგორც დაკავებულის დედა ამბობს, კამათი იმ ფაქტს მოჰყვა, რომ 32 წლის მამაკაცმა სახანძრო ჯგუფის მოუმზადებლობა გააპროსტესტა. მოგვიანებით კი დაკავებულის მეგობრები ურეკის პოლიციის განყოფილებასთან მივიდნენ და სამართალდამცავებთან დაპირისპირება მოუვიდათ. დაკავებული შ.ლ.-ს თქმით, კონფლიქტი იმდენად გამწვავდა, რომ ადგილზე სპეცრაზმის გამოძახება გახდა საჭირო.შსს ს ინფორმაციით მათ სამართალდამცავებს სიტყვიერი და ფიზიკური შეურაცხყოფა მიაყენეს. დაუზუსტებელი ინფორმაციით, დაზიანებები აქვს ხუთამდე სამართალდამცველს. მომხდართან დაკავშირებით დაკავებულია 13 პირი. დაბა ურეკში ადგილიბრივები ფაქტს ადასტურებენ, თუმცა მომხდარის დეტალებზე საუბარი არ სურთ.