რუსეთის სასტიკი სიმხეცე კრამატორსკში, ენით აღუწერელი ხოცვა არის ადამიანის უფლებების დარღვევა, – ამის შესახებ საქართველოს პრეზიდენტი სალომე ზურაბიშვილი სოციალურ ქსელ „ტვიტერში“ წერს.
მისივე თქმით, ასეთი ძალადობა კაცობრიობის ისტორიაში ბნელ ფურცლად დარჩება.
„ამგვარი ძალადობა დარჩება ბნელ ფურცლად კაცობრიობის ისტორიაში. ჩადენილია კაცობრიობის წინააღმდეგ ძალიან ბევრი დანაშაული. დიდება უკრაინას“, – წერს სალომე ზურაბიშვილი.
ცნობისთვის, დონეცკის ოლქის ქალაქ კრამატორსკში, რკინიგზის სადგურზე რუსეთის ძალებმა სარაკეტო დარტყმები განახორციელეს. უკრაინული მედიის ცნობით, იერიშის შედეგად დაიღუპა 30 და დაშავდა 100-ზე მეტი ადამიანი.
The brutal Russian atrocity in #Kramatorsk, an unspeakable massacre, is a breach of human rights.
This kind of violence will remain a dark page in human history. Too many crimes against humanity have been committed.#SlavaUkraini
— Salome Zourabichvili (@Zourabichvili_S) April 8, 2022
Loading ...
