აშშ-ის საბაჟო და საზღვრის დაცვის სამსახურის ფედერალურმა აგენტებმა დაახლოებით 400,000 დოლარის ღირებულების თხევადი მეტამფეტამინი ოთხ გოგრაში აღმოაჩინეს. მეტამფეტამინი 136 პრეზერვატივში იყო მოთავსებული და შემდგომ გაჭრილ გოგრაში იყო დამალული. მეტამფეტამინი სამხრეთ საზღვარზე მანქანის შემოწმებისას აღმოაჩინეს. ამის შესახებ ინფორმაციას „ეიბისი ნიუსი“ ავრცელებს.
ნარკოტიკული საშუალება აშშ-ში მექსიკის საზღვრიდან შეჰქონდათ.
„შემოწმებისას გოგრის შიგნით დამალულ თხევადი მეტამფეტამინი აღმოაჩინეს. სასაზღვრო აგენტებმა თავიანთი გამოცდილებით და უნარ-ჩვევებით კონტრაბანდის საკმაოდ დიდი მოცულობა აღმოაჩინეს“, – ვკითხულობთ ინფორმაციაში.
ადგილობრივმა სამართალდამცველებმა მძღოლი და კიდევ ერთი მგზავრი დააკავეს.
კომენტარები
Loading ...
