რუსთაველის გამზირზე პარლამენტის წინ “ნაციონალური მოძრაობის” მიერ ორგანიზებული აქცია მიმდინარეობს. ადგილზე შეკრებილი “ნაციონალური მოძრაობის” წევრები პერმანენტულ საპროტესტო აქციებს აანონსებენ.
„ერთიანი ნაციონალური მოძრაობის“ თავმჯდომარის, ნიკა მელიას განცხადებით, 10 ნოემბერს, დილის 11:00 საათზე თბილისში, სამ სხვადასხვა ლოკაციაზე საპროტესტო აქცია გაიმართება. ამის შესახებ ნიკა მელიამ აქციაზე განაცხადა.
„შეუძლებელია, მიხეილ სააკაშვილი გაჩერდეს გლდანის ციხეში. უახლოეს პერიოდში ის გადაყვანილი იქნება სამოქალაქო სამედიცინო დაწესებულებაში, მაგრამ ეს არ ნიშნავს იმას, რომ ბრძოლა ყოველდღიურად არ უნდა გაგრძელდეს ორგანიზებულად და მზარდად.
ხვალ დილიდან 11:00 საათზე სამ ადგილას ერთდროულად გაიმართება აქცია: იუსტიციის სამინისტროსთან, ე.წ.მოდულის შენობასთან და ჯანდაცვის სამინისტროსთან, რომელიც ვალდებული არის ხმა ამოიღოს მიხეილ სააკაშვილის ჯანმრთელობის მდგომარეობასთან დაკავშირებით“, – განაცხადა ნიკა მელიამ.
Loading ...
